Минзэлэ районнын ЗӨҺРӘ ХАНЬКОВА “СОЛДАТ АЛЬБОМЫ – 2026” БӘЙГЕСЕ ҖИҢҮЧЕСЕ!
Бөтендөнья татар конгрессы тарафыннан “Солдат альбомы – 2026” бәйгесе оештырылды. Ул быел Муса Җәлилнең тууына 120 ел тулуга багышланды. Әлеге конкурска Россиянең 11 төбәгеннән 300 ләп иҗади эш килде. Шулар арасыннан 20 җиңүче сайлап алынды һәм аларга урыннар бирелде. Авылыбызның ак әбисе Зөһрә апа Ханькова бәйгедә 1 нче урын алып, Казан шәһәрендә узган бүләкләү тантанасында катнашты.
Бөтендөнья татар конгрессы Башкарма комитеты җитәкчесе, Татарстан Республикасы Дәүләт Советы депутаты Данис Шакиров Зөһрә апага Коръән китабы һәм истәлекле бүләкләр тапшырды.
Барысы да югары дәрәҗәдә узды, башкалабыздан сөенеп, Зөһрә апабыз белән горурланып кайттык!
